عمرك فكرت اللغة نشأت إزاي؟

حابة أقولك عزیزي القارىء ده كان موال كبیر سیادتك، بس خلیني أقولك أشهر 3 نظریات:

1. الوحي الإلهي:

یعني أحنا كبشر ربنا خلقنا كدة بلُغتنا، بسلطتنا وبابا غنوجنا. 

2. المحاكاة:

- یعني إیه؟

هقولك حاًلا.. المحاكاة یعني التقلید تمام كدة؟

- تمام

بس السؤال هنا هنقلد مین وأحنا الكائن الممیز العاقل الكیوت؟

- مین؟

الحیوانات معلش بقى وطبًعا الطبیعة، تخیل معي كدة الإنسان الأول البدائي اللي عایش في كهفه وقت العصریة مأنتخ شویة سمع صهیل حصان معدي فراح حاول یقلده شویة، بعدها سمع صوت طنین النحل فقال ما یضرش، بعدها هلوا شویة ریح قال هي جات على دیه وهكذا عزیزي القارىء الإنسان الأول بدأ یكتشف تطور حنجرته وبدأ ُیكون المقاطع، ومن هنا نشأت اللغة.

3.الاصطلاح أو الاتفاق:

النظریة دیه بتقول إن الإنسان كان شبه قاصد أنه ینشىء اللغة طیب إزاي؟ لما بدأ الإنسان ُیكون جماعات ویبقى له قبیلة وعلاقات ظهرت الحاجة للتواصل وهنا جیه دور الاتفاق أو ما تعارفت علیه القبیلة.

- أیوة إزاي یعني؟

هقولك.. یجي شخص ما ولیكن حمادة وأشار على شيء ما وقال شجرة یبدأ الاسم ده في الانتشار ویرتبط بالشيء ده اللي هو الشجرة من غیر أي ضمانة منطقیة. 

وبكدة بقى الشيء ده شجرة عشان فلان قال علیه كدة والقبیلة اعتمدت خلاص.

هنا نسأل تاني البیضة ولا الفرخة؟ .. هل اللغة منحة ولا الإنسان ابتكرها؟

وبكدة عزیزي القارىء وعزیزتي القارئة نكون خلصنا البوست الأول في "سلسلة عن اللغة وأشیاء أخرى"

أنت بقى بتؤید أنهي نظریة فیهم؟

#سلسلة_عن_اللغة_وأشیاء_أخرى

#البوست_الأول